Wikidata: Kopokitanan/Item
Sonong kinorikatan id Kopokitanan Item
Sonong kinorikatan id Wikidata! Pogintangan diti popotounda do kopointutunan kumaa impohon do ponyuntingan Wikidata.
Soroho no do liwang diti nopo nga' sabaagi replika montok do liwang otopot - milo ko momusorou do iti nopo nga' kutak togis montok pomoinan nu om minsingumbal ahal wagu. Koundolihon nu au koimbulai id Wikidata, dadi au minog do tumongob soira monyunting id liwang diti. Kanou tumimpuun!
Sumiliu do ponyunting
Wikidata nopo nga' sukarelawan - momonsoi impohon toilaan kokomoi data kistruktur montok suntingon do toinsanan. Miagal do Wikipedia, projek hiti nopo nga' iso goos tulun sompomogunan di kumalaja miampai mogitaatabang montok monimung om papakakal data maya lobi ko' 201 boros.
Ogumu laang montok manahak sumbangan kumaa Wikidata. Piipiro tulun popoundaliu boros do dokumen, piipiro nopo nga' monolibamban kobolingkahangan porisian om monuat pokionuan, om piipiro nopo nga' momoruhang om monyunting data. Toinsanan ponyunting tumimpuun do hinonggo nopo - kopokitanan diti kaanu popokito diya poingkuro do monyunting item kumoiso nu id Wikidata.
Idio impohon
Wikipedia nopo nga' montok konten ensiklopedia, Wikimedia Commons nopo nga' repositori montok fail media, om Wiktionary popotounda do pokomoyon om toilaan leksikal kokomoi boros.
Id Wikidata, fokus nopo nga' data kistruktur.
Iti nopo nga' popomilo do tulun om komputer montok momoguno do data. Data kistruktur nogi nga' mongukab ogumu tonggungan di abantug montok diya minsingilo lobi togumu id point.
Item
Momonsoi struktur montok data nopo nga' nuru ogumu palan. Montok monokodung do ahal miagal do toilaan di obibas id Wikipedia, nuru tokou do mongilo ralan do popoopi toilaan di poiloon diti. Toilaan di poiloon diti nopo nga' roitan do item.
Item nopo nga' fleksibel no montok popoilo konsep abstrak miagal do timpu tokoro, louson, om winagat sabaagi objek kopio id pomogunan miagal do televisyen, kayak om nulu kitapui.
Liwang item
Monikid item nopo nga' haro liwang poinsoosondii - hinonggo toinsanan data kokomoi di tinimung - om pogintangan di unik. Pogintangan diti insaru kopiagal do Q###. Suai ko' ogumu guno montok mesin om popoilang do toilaan id suang mogikaakawo boros, pogintangan diti nopo nga' au songkuro osuau do tulun.
Tolibambanon tokou iti id suang ponuhuan kumoiso id pogintangan diti. Kanou intangai lobi osomok id liwang item diti kokomoi planet Bumi.
Label
Intangai poingkuro iti no numbur di intangan id liwang item? Iti nopo nga' mogigintong di unik.
Montok mongilag do kaanu kasari mogigintong do rawak miagal do Q###, nonuan dahai monikid item do ngaran di bobos osomok kopokito dii. Ngaran dii nopo nga' roiton sabaagi label om minog posuangon id toinsanan liwang item. Sabap do Wikidata nopo nga' mogikaakawo boros, label nopo nga' milo poruhangon id mogikaakawo boros (milo ko momoguno nunu boros di asanangan ko momoguno).
Nakaanu? Osonong kopio! Todoso tituduk montok minsingilo poingkuro momoruhang label kumoiso nu.
Edit
Montok momoruhang toi ko' monimban label, todoson nopo edit (maya popowonsoi dii, oiton ko nogi id laang potilombus.)
Momoruhang label
Todoso liwang teks om posuangon label Bumi montok item diti.
Lobi ogumu montok label
Kalaja di abagos!
Hiti nopo nga' piipiro ahal di oponsol kokomoi label:
- Label nopo nga' miagal do uhu liwang ii popotolinahas kokomoi nunu item dii. Nuru do oniba (poomitanan Bumi, okon ko' Planet Bumi)
- Label nopo nga' au nuru do unik tu' potolinahason ii miampai do kotolinahasan - ogumu po kalapas diti
- Gunoon ngaran di koubasanan (poomitanan tingau, okon ko Felis catus) om pogoyoon o boros ngaran (miagal do London, Jupiter toi ko' Hillary Clinton - nga' okon ko' kakadayan, palnet toi ko' politik)
Kotolinahasan
Miagal di noroitan, kotolinahasan nopo nga' gunoon montok popotolinahas label maya popotounda ogumu kopoilaan kokomoi item dii.
Montok poomitanan, "filem dokumentari posorili 2007" om " iso' mantad ko' apat elemen klasik" nopo nga' kotolinahasan montok item di roitan sabaagi Bumi - om nogi sabaagi planet di ionon tokou.
Au monguro sokiro ogumu item di miagal o label sokiro monikid item dii nopo nga' mogisuusuai kotolinahasan.
Kawagu, kada pogoyo'o boros sokiro okon ko' ngaran kopio.
Momoruhang kotolinahasan
Kanou momoruhang kotolinahasan kumoiso dondo!
Kotolinahasan nopo nga' suntingon miagal do label. Todoson nopo id liwang teks. Planet kotolu id sistem Solar nopo nga' kotolinahasan di osonong montok Bumi.
Lobi ogumu kotolinahasan
Kalaja tosonong!
Iti nopo nga' nunu ii nuru sorohon soira momonsoi kotolinahasan:
- Nibaon - kotolinahasan nopo nga' okon ko'panandatan.
- Umbalai do lobi osomok om neutral - ilagon momoguno kopoilaan di misiisimban toi ko' otutunan sabaagi kontroversial om awagat sampaping.
- Kotolinahasan nopo nga' okon ko' koubasanan tumimpuun miampai kotimpuunon artikel miagal the toi ko' a.
Alias
Haro iso ahal kotohuri di powonsoyon montok momonsoi ngaran om mongilo item: poruhango nunu-nunu ngaran alternatif montok Bumi id liwang diti.
Ngaran alternatif montok item, miagal do pongundadait montok soosongulun toi ko' ngaran saintifik miagal do ngaran tayam, roitan sabaagi alias id Wikidata. Momoruhang alias id liwang diti kaanu monguhup do mamata toinsanan ngaran alternatif om mogihum istilah montok Bumi kumaa item di winonsoi nu.
Lobi ogumu alias
Hiti nopo nga' piipiro toilaan kokomoi alias:
- Item nopo nga' milo haro iso no label om iso kotolinahasan monikid boros, milo haro piipiro alias
- Pogoyoon no boros ngaran
Milo nogi do momoruhang lobi ko' iso alias montok item - kutak teks wagu koimbulai sokiro posuaton nu.
Alias bobos tosonong nopo montok do Bumi nga' pomogunan.
Pohoro'o
Soira opongo ko, todoso publish
Bayahan
Bayahan! Nopongo nu pogitangan diti.
Manu kakal monyunting? Sokiro nokotounda ko no sumoliwan mantad liwang diti om monyunting do liwang di otopot, popioput id siriba mogoit diya tumimpuun:
- Sunting item rawak
- Gunoon kakamot suang id Terminator montok mogihum do top 1000 item natagakan do label toi ko' kotolinahasan
- Intangai sanarai item miampai aiso label om/toi ko' kotolinahasan
Tumilombus do minsingilo? Todoso hiti montok gumuli id portal pogintangan.
Haro po poguhatan? Pogiboboros miampai sosongulun maya liwang live chat id IRC #wikidataconnect toi ko' intaan maya bolikan poguhupan id siriba: