Shortcuts: WD:INTRO, WD:IWikidata:Panganta
Wikidata iolah sabuah basis data perai, kolaboratif, banyak bahaso, basis data sekunder, barisi banyak data tersturktur nan disadioan sabagai dukuangan untuak Wikipedia, Wikimedia Commons, jo proyek-proyek wikis gerakan Wikimedia lainnyo, sarato sia se di sadoalah dunia.
Apo mukasuiknyo?
Cubo baco pernyataan pembuka untuak labiah rincinyo:
- Perai. Data dalam Wikidata ditabikan di bawah lisensi Creative Commons Public Domain Dedication 1.0, data tu bisa digunoan baliak dalam banyak hal nan babeda. Sanak bisa manyalin, maubah, mambagian, jo maolah data di Wikidata jo manggunoan untuak komersial tanpa harus mintak izin dulu.
- Kolaboratif. Data dalam Wikidata dimasuakan jo dikelola dek kontributor nan manantuan aturan-aturan pambuatan jo manajemen isi Wikidata. Bot dibuek untuak mamasuakan data sacaro otomatis ka Wikidata.
- Multibahaso. Data di Wikidata dapek diedit jo digunoan dalam banyak bahaso. Data nan dimasuakan dalam bahaso apo se tetap dapek diakses di bahaso lainnyo. Panyuntiangan data dalam bahaso lain dapek dilakuan jo disaranan untuak kontributor.
- Sabuah basis data sekunder. Wikidata indak hanyo bisa mancataik pernyataan-pernyataan, tapi bisa pulo mancataik sumber-sumbernyo jo tautan ka basis data lain. Dek karano itulah Wikidata dapek manyadioan banyak ragam pengatahuan jo mandukuang gagasan tantang pamastian data.
- Mangumpuan data terstruktur. Organisasi jo struktur data nan jadi prioritas dapek mampamudah panggunoan data untuak proyek-proyek Wikimedia lain jo pihak katigonyo sarato mambuek komputer dapek mamproses jo “mamahami” data labiah muadah.
- Mandukuang proyek Wikimedia lain. Wikidata mandukuang Wikipedia supayo pranala ka bahaso lain jo kotak info dapek diatua labiah mudah, sahinggo mengurangi baban karajo jo dapek maningkekan kualitas. Pambaruan info dalam ciek bahaso tasadio pulo dalam bahaso lainnyo.
- Untuak sadolah urang. Sia pun urangnyo dapek manggunoan Wikidata untuak tujuan tatantu liwaik antarmuko pemrogaman aplikasi (API).
Baa caro karajo Wikidata?
Wikidata marupoan repositori panyimpanan utamo nan dapek diakses dek pihak lain sarupo wiki-wiki takaik nan dikelola Yayasan Wikimedia. Konten nandimuek jo baubah-ubah di Wikidata indak paralu ditajamahan atau dimutakhiran jo wiki-wiki takaik. Sabagai contoh, statistik, tanggal, lokasi, jo data basamo lainnyo nan dapek dikumpuan di Wikidata.
Repositori Wikidata
Repositori Wikidata barisi butir-butir, nan masiang-masiangnyo punyo label, deskripsi jo mungkin ado alias saketek. Butir-butir punyo identifikasi unik manggunoan awalan Q nan sasudahnyo ado angko, misalnyo Douglas Adams (Q42).
Pernyataan mandeskripsian rincian karakteristik sabuah butir nan tadiri dari atribut jo nilai. Atribut di Wikipedia punyo awalan educated at (P69), nan sasudahnyo tadapek angko, sarupo educated at (P69).
Untuk manusia, Sanak bisa manambahan atribut tantang tampeknyo baraja, nan manggunoan sakolah sabagai nilai. Contoh lain misalnyo untuak bangunan, Sanak dapek manambahan atribut koordinat geografis jo manyatoan nilai lintang jo bujur. Atribut dapek pulo ditauikan ka basis data eksternal sarupo nan digunoan dek perpustakaan jo arsip, disabuiknyo "panando". Samantaro itu, tautan situs marupoan daftar konten-konten nan takaik jo butir di proyek-proyek Wikimedia sarupo Wikipedia, Wikibooks, atau Wikiquote.
Sadolah informasi tu dapek ditampilan di banyak bahaso, walaupun datanyo basumber dari bahasao lain. Katiko maakses nilai-nilai ko, sabuah proyek wiki nan mamakai data dari Wikipedia bisa langsuang manampilan data nan paliang baru.
| Butir | Atribut | Nilai |
|---|---|---|
| Q42 | P69 | Q691283 |
| Douglas Adams | educated at | St John's College |
Bakarajo jo Wikidata
Ado banyak caro maakses Wikidata manggunoan pakakeh bawaan, pakakeh ekstrernal, atau antarmuka pemrograman.
- Kueri Wikidata jo Reasonator adolah jinih pakakeh untuak mancari jo mancaliak butir-butir Wikidata. Halaman pakakeh punyo daftar nan cakupannyo lueh tantang pakakeh-pakekeh untuak maolah data di Wikidata.
- Klien wiki dapek maakses data untuak halaman tu manggunoan antarmuko Scribunto Lua. Sanak dapek maambiak sadolah data manggunoan API Wikidata.
Mamulai
Jalajah Wikidata, nan dibuek untuak pangguno baru adolah tampek untuak mampalajari labiah banyak hal tantang Wikdiata.
Baragam pranala untuak mamulai:
- Atuaopsi pangguno, tarutamo ekstensi 'Babel' untuak mamiliah bahaso nan sasuai
- Sato manambahan label jo deksripsi
- Sato mamelokan konflik interwiki jo palanggaran pawatas
- Pelokan sabuah butir acak
- Tolong tajamahan
Baa caro awak bajariah?
Sanak bisa langsuang mulai manyuntiang. Manyuntiang marupoan langkah paliang rancak untuak mampalajari struktur jo konsep Wikdiata. Jikok Sanak nio paham konsep Wikidata dulu, Sanak dapek mancaliak di halaman-halaman bantuan. Jikok Sanak ado pertanyaan, jan ragu batanyo di rundiang proyek atau hubungi tim pangambang.